„Сакаме чиста Гевгелија. Зошто да се носи оптад од страна за да се преработува овде? Општината веќе даде негативно мислење и не знаеме зошто повторно се бара. Гевгелија треба да биде посветена на земјоделството и туризмот, а не на индустрија“, кажаа гевгеличани на протестот пред општинската зграда, каде што советниците повторно расправаа по барањето за мислење од министерството за животна средина и по барањето на на минситерството за економија за детални геолошки истражувања за металични минерални суровини на планината Кожув
Граѓанските активисти пред општинската зграда го изразија својот револт од барањата што двете министерства ги упатија до локалните власти кои претходно дадоа негативен одговор и за отварање на капацитет за рециклирање, преработка и производство на РДФ гориво односно пелети од отпад што не се рециклира и за нови истражувања дали Кожув има металични суровини
Советот на општина Гевгелија едногласно донесе одлука да се даде негативно мислење по двете барања.Пред нив презентација имаше и компанијата која сака да гради капацитет за преработка на РДФ отпад во пелети. Кажаа дека станува збор за алтерантивно гориво и дека отпадот односно суровините ќе се носат во Гевгелија оти во земјава нема селекција на отпад и ќе се пресува во пелети – процес кој воопшто не загадувал. Но мислењето на советниците не беше променето
Граѓанските здруженија уште една потенцираа дека во Гевгелија нема потреба од ваков капацитет и дека гевгеличани веќе се изјасниле за ваква индустрија
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
