Триесет и едно годишен жител од населеното место Богородица вчера настрада при лов на планината Кожув. Според полицијата бил погоден од куршум и починал веднaш на месноста ,,Мала Рупа’’. Како што стои во полицискиот билтен, инцидентот се случил вчера во претпладневните часови а кај надлежните во полициската станица во Гевгелија случајот бил пријавен во 10 часот и 43 минути дека има повредено лице при лов на планината Кожув.
,, Полициски службеници излегле на местото на настанот, на место викано „Мала рупа“ и констатирале дека М.Т.(31) од с.Богородица бил погоден од куршум од Б.Ѓ.(52) од Гевгелија и починал на местото на настанот. Смрт констатирал и лекар од Итна медицинска помош од Гевгелија,, стои во информацијата од МВР
52 годишниот Б.Ѓ. од Гевгелија бил приведен во полициска станица, а по наредба на Јавен обвинител телото на починатиот било предадено за обдукција. По целосно расчистување на случајот ќе биде поднесена соодветна пријава.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
