Приведениот македонец во соседна Бугарија кој превезувал 88 мигранти во камион е од Гевгелија. Веста за МИА ја потврдила портпаролката на Регионалната управа на бугарското Министерство за внатрешни работи во Бургас, Цветелина Рандева. Како што информирала таа станува збор за 60 годишен возач идентификуван како З.К. а според податоците од неговата лична карта тој е од Гевгелија и се сомничи за шверц на 88 мажи мигранти од Авганистан во камион со скопски регистарски ознаки.
Гевгеличаенцот е задржан од страна на бугарската полиција во 24-часовен притвор, а по истекот на овој период се очекува Јавното обвинителство во Бургас да му го продолжи притворот за уште 72 часа. По приведувањето во полициската станица, З.К изјавил дека со него не контактирале шверцери на мигранти, туку дека тој ги качил Авганистанците затоа што му ветиле дека ќе му платат за превозот.
Вчера околу 06:45 часот македонскиот државјанин бил фатен во Бургас отако мигрантите биле натоварени во обалста Дебелт.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
