Спа и велнес Асоцијацијата на Македонија, деновиве објави прирачник за работа на овој тип центри во услови на пандемија од вирусот КОВИД-19, кој бара нов пристап и начин за корисниците на спа и велнес услугите. Паралелно прирачникот дава насоки и за вработените во овие центри како да постапуваат и кои мерки да ги превземат, неопходни за поголема безбедност, спречување инфекции и подобрување на благосостојбата на сите што ќе користат ваков тип на услуги
Станува збор за бесплатен прирачник кој е поставен на официјалната страна на Асоцијацијата СВАМ во кој има упатства за спа операциите во согласност со општо прифатените правила на светско ниво, за да нормално функционираат центрите но и да се спречи ширењето на коронавирусот. Како што не информираше Александар Мендов од Гевгелија автор на прирачникот и претседател на Асоцијацијата станува збор за правила и прописи за работа во услови на пандемија.
,,Прирачникот има за цел помагање на спа, велнес и фитнес капацитетите при нивно ре-отварање во смисла на протоколи за хигиена, правила и прописи во време на пандемијата КОВИД-19. Целта не е да се менува политиката на хотелите за нивно работење туки само помош при заштита на вработените и клиентите. Прирачникот е создаден од тим на СВАМ- Македонската спа и велнес асоцијација во соработка со GlobalWellness Institute, кој ги обединува сите спа и велнес асоциации од светот,, ни изјави Мендов кој подвлече дека прирачникот за Спа и Ковид 19 стандарди операции и процедури ќе биде дистрибуиран низ сите хотелски комплекси кои имаат спа центри за да бидат подготвени за нивно ре отворање.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
