30 тина ученици од гевгелиските основни и средното училиште ,, Јосиф Јосифовски’’ ќе бидат дел од видеоприказни и тетатарска престава кои треба да ја анимира јавноста за појавата на врсничкото насилство но и како да се спречи ова појава по образовните институции. Тие беа дел од дводневниот камп во Дојран во рамките на проектот ,,Врснички форум театар против насилството во училиштата’’ одобрен од ,,Регионалната програма за локална демократија во Западен Балкан 2(ReLOaD2)”, што го финансира ЕУ .
Во рамките на кампот беа реализирани работилници каде учениците на креативен и безбеден начин имаа можност слободно да зборуваат за нивните потреби и проблеми а преку игра на улоги ја претставуваа фактичката состојба во нивната средина поврзана со темата за врсничкото насилство, поттикнувајќи емпатија и одговорност кај секого.
,,Преку дискусија и нудење различни пристапи во конфликтните ситуации учениците имаа можност да учат едни од други на искуствен начин. Целта на работилниците беше поттикнување индивидуална и создавање проактивни личности кои ќе може да врши влијание во средината каде живее и се движи. На овие работилници се работеше и на создавање на четири сценарија кои подоцна треба да се претворат во видеоприказни и една театарска претстава што е следна цел на проектот,, соопшти координаторот на проектот Љубица Ангова Аврамова.
Инаку проектот одобрен од „Регионалната програма за локална демократија во Западен Балкан 2 (ReLOaD2)”, финансирана од Европската унија, а спроведувана од Програмата за развој на Обединетите нации (УНДП) и Општина Гевгелија. Истиот ќе го имплементираат здруженијата „Од станица до граница“ и „Рубикон“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
