Центарот за едукација, култура и активизам ,,Мултус’’ од Гевгелија заедно со Регионалниот центар за одржлив развој, во рамките на проектот ,,Медиумска диверзија’’ објавија хумористично видео како не треба да изгледа, ниту како да се води предизборна кампања бидејки со презентација низ медиумите, граѓаните добиваат погрешна слика за дел од работите кои се задолжителни обврски на кандидатите што претендираат за функција
Станува збор за видео сработено од ,,Диверзија продукција”, во кое ,,актерите’’ се фалаат и ветуваат се и сешто при што не даваат одговор на јавноста како би ги реализирале ветените проекти ниту пак од каде ќе ги обезбедат парите со што ја носат јавноста во заблуда. Видеото со наслов ,, Предизборна кампања ‘’ реално ги отсликува и честите ниски напади меѓу вклучените во изборната трка.
,,Самиот збор кампања значи повремено, организирано политичко или општествено дејствување со точна определена цел и переиод за извршување. Политичките кампањи се медиумски спакувани „пакетчиња“ полни со розови ветувања, самофалби и ниски напади. Во нив се наоѓаат задолжителни обврски кои не смеат да бидат фалби, потоа невозможни мисии – кои со малку истражување може да станат разбиени митови. Чести се и нападите – ниски, малограѓански обиди да се дискредитира противникот, кои воопшто не се за во јавност.Доколку некој добро работи, резултатите ќе бидат континуирано видливи и нема да има голема потреба од кампањи. Уште помалку вакви како нашите,, соопштуваат од Мултус на крајот од видеото како порака
Проектот ,,Медиумска диверзија” веќе се реализира неколку месеци а се очекува да заврши во февруари идната година. Тој третира теми кои вклучуваат манипулации пласирани преку медиумите, конкретно повеќе ситуации кои често не ги забележуваме, а ни создаваат одредени искривени слики, ни оформуваат идеологии или суптилно напаѓаат нечие живеење.
Регионалната програма „Отпор кон дезинформации и говор на омраза: Акција на граѓанското општество за реафирмирање на слободата на медиумите и спречување дезинформации и пропаганда за ширењеомраза во земјите од Западен Балкан и во Турција“ се спроведува со поддршка од ЕвропскатаУнија, од страна на партнерските организации од регионот: СЕЕНПМ, Македонски институт за медиуми, Албанскимедиумски институт, Медиацентар, Косово 2.0, Црногорски институт за медиуми, Новосадската школа за новинарство, Мировен институт и Бианет.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
