Гевгелиски ,,Комуналец’’ ја почна акцијата за примарна селекција на отпадот за собирање на сув неопасен отпад, кој треба да биде одвоен од органскиот комунален отпад од домаќинствата што се подига. Како што објавија на својата ФБ страна, домакинствата од Гевгелија кои веќе добија пластични канти за комунален отпад, овој период ќе добијат и специјални кеси од 120 литри во кои граѓаните ќе треба да одлагаат отпадоци од пластика, стаклена амбалажа, картон, хартија и алуминиумска амбалажа.
Ова значи дека гевгеличани ќе мора да направат селекција на отпадот при што, пластичниот ПВЦ и ПП отпад како што се пластичните шишиња, обвивки, кеси, потоа стаклените шишиња и чаши, лименките како и хартијата и картоните да ги складираат во специјалните кеси од 120 литри, кои потоа комуналното ќе ги подига.
,,Комуналните работници ќе го подигаат селектираниот сув отпад во различен период од редовниот термин за подигање на комуналниот отпад, а бенефитот од акцијата ќе биде сестран бидејќи ќе се намали количината на депониран комунален и неселектиран отпад,, објавија на својата ФБ страна ЈПКД Комуналец од Гевгелија кои очекуваат во акцијата за примарна селекција да се вклучат и малите правни субјекти.
Од ова претпријатие се надеваат дека со примарна селекција на сувиот и неопасен отпад од органскиот, се очекува намалување на трошоците на претпријатието што ќе му нови индикатори да ги пресметува цените на комуналните услуги.
фото ФБ ЈПКД Комуналец Гевгелија
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
