Новогодишниот турнир во мал фудбал ,,Есперо 2019/20“ во организација на ФК „Кожуф“ и под покровителство на Општина Гевгелија, заврши со триумф на екипата ,,ИН ТРЕЈД “ од Гевгелија која во финалето ја совлада екипата на ,,МЕМ ВОЧАР “, исто така, од Гевгелија, со резултат 1:0 информираше општината
За освоеното прво место, победникот доби парична награда од 120.000 денари, а поразениот во финалето за освоено второ место доби 80.000 денари. Третото место го освои екипата на ,,Алупласт ПЕГО Агрофруит“ од Јосифово која со 3:2 славеше во дуелот со ,,Ресторант Крим“. Победникот во утешното финале освои парична награда од 40.000, а поразениот од 20.000 денари.
Наградата за најдобар фудбалер му припадна на Мартин Тодоровски од победничката екипа Ин трејд, за најдобар голгетер беше прогласен Марјан Костадинов од екипата на „Алупласт Пего Агрофруит“, а најдобар голман беше Едо Прелевиќ од екипата на „Мем Вочар“. На турнирот во мал фудбал „Есперо 2019/2020 учествуваа 24 екипи од: Гевгелија, Кавадарци, Возарци, Богданци, Моин, Богородица, Негорци, Скопје, Долни Дисан, Фурка, Чалакли и Јосифово.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
