Гевгелиската фирма ,,Обново инженеринг“ ги доби двата тендери што ги распиша општина Гевгелија и за изградба на пристапен пат но и за изградба на спортско рекреативниот парк “Топлик“, кој гевгеличани го изгласаа како приоритет на Форумот на заедниците. Двете јавни набавки гевгелиската фирма ги доби за околу 6 милиони денари или околу 98 илјади евра со вклучен ДДВ доставувајки на двете јавни набавки најниски цени.
За изградба на пристапен пат од околу 800 метри, на распишаната јавна набавка на Општина Гевгелија се јавиле 5 фирми. Фирмата ,,Обнова инженеринг“ доставила најниска цена за предвидените работи – дури околу 68 одсто пониска од првичната со која излегле на ауцкијата од околу 2 милиона. Инаку за патот, општината предвидела околу милион и 680 илјади денари а јавната набавка е доделена за околу 748 илјади денари со вклучен ДДВ.
Што се однесува до јавната набавка заа Изградба на спортско рекреативен парк ,,Топлик,, се јавиле три фирми исклучиво од Гевгелија. И на оваа јавна набавка Друштво за проектирање, градежништво, трговија и услуги ОБНОВА ИНЖИНЕРИНГ ДООЕЛ Гевгелија доставила најниска цена. Тендерот го добива за сума од 5.251.377 денари што е речиси за еден милион пониска цена од проценетата вредност што ја предвиделе општинските служби.
Според техничката спецификација до која дојде Дрнка.Мк на ,,Топлик,, треба да има два премини мостови – еден поголем од околу 3 метри и еден помал од 1,5 метри. Потоа треба да има 27 клупи со различни големини од кои 6 треба бидат смарт за напојување на електронски уреди. Потоа треба да се подигнат три перголи но и 9 летниковци. На “Топлик“ изведувачот ќе мора да постави 14 патокази , 22 корпи за отпадоци но и 37 канделабри за осветлување кои ќе се напојуваат од сончевата светлина а ке има и три држачи за велосипеди.
На почетокот на годинава гевгеличани одлучија грантот од 50 илјади евра од форумот на заедницата да биде насочен за спортско рекреативен центар “Топлик“ односно да биде уреден со урбана опрема. Грантот е добиен од Швајцарската влада и Министерството за локална самоуправа. Остатокот од парите се обезбедени од општина Гевгелија. Според склучениот договор во рок од една година ќе мора да се реализираат сите работи. ( В. Трајков /фото: gevgelija tourism, rrlavovigevgelija )
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
