Гевгелиската полиција изминатава ноќ приведе две лица кај кои е пронајдена дрога. Првиот случај е во населеното место Миравци каде синоќа околу 22 часот и 20 минути од слободна е лишен 19 годишен жител од Неготино. Кај него била пронајдена бела прашкаста материја. За настанот бил запознаен јавен обвинител од Основното јавно обвинителство Гевгелија, а по документирање на случајот против лицето ќе биде поднесена соодветна пријава.
Четири часа подоцна во Гевгелија, полициски службеници од СВР Струмица – ОВР Гевгелија лишиле од слобода 22 годишен жител од Гевгелија затоа што кај него биле пронајдени и одземени марихуана и дробилка. За настанот бил запознаен јавен обвинител од Основното јавно обвинителство Гевгелија а против лицето ќе биде поднесена соодветна пријава.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
