Фолк пејачката Сузана Гавазова се вклучи во акцијата „Подари, израдувај некого“ на СОУ ,,Никола Карев” во Струмица и донираше повеќе фустани од свои настапи за матурантки чии родители неможат да си дозволат да набават за матурската вечер. Таа несакаше да открие колку фустани дарувала бидејки чинот го смета за хуманост но на идните матуранти им посака да бидат упорни и храбри во животот
,, Немам учено во тоа училиште но кога видов дека учениците покренале ваква акција си реков да помогнам. Не е потребно да одговорам колку креации сум подарила, важно е што тие парчиња гардероба ќе изнудат насмевки кај некои девојки пред кои е свечената матурска прослава. На сите матуранти и матурантки би сакала да им порачам да бидат тоа што се, да не се плашат и срамуваат и да бидат упорни и храбри во животот,, ни изјави Сузана Гавазова која имаше настап во Германија
Нејзиниот гест го објави СОУ Никола Карев на својата ФБ страна каде изразија благодарност што во акцијата се вклучи и Гавазова
„Многу е убаво кога ќе направиш добро дело, а уште повеќе кога во тоа некој ќе те поддржи. Нашата акција под име „Подари, израдувај некого“ доби многу голем одек во општината и пошироко и добивме многу донации во прекрасна гардероба за девојки и момчиња. Имаме голема чест и се радуваме што и нашата естрадна уметничка Сузана Гавазова ја препозна и поздрави нашата добра намера, па дури и се вклучи во неа. Вчера не посети во училиштето и донираше повеќе фустани од својата гардероба која ја носела на настапи. Ви благодариме од срце и Вие придонесовте да израдуваме некое девојче“ – стоеше во објавата, која беше споделена на Фејсбук страницата на средното училиште.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
