Полициски службеници од СВР Струмица вчера во периодот од 11 до 17 часот по патиштата во Југоистокот спровеле нова акциска контрола над учесниците во сообраќајот кои управувале возила со поголема брзина од дозволената. Како што инфомираа од МВР за периодот од 6 часа полициските службеници од четирите полициски станици од Струмица, Радовиш, Валандово и Гевгелија откриле и казниле дури 109 возачи кои не се придржувале кон дозволената брзина.
,,На 21.02.2021 на подрачјето на СВР Струмица била спроведена акциска контрола над возачи кои управуваат возила со брзина поголема од дозволената. Притоа, биле откриени 109 прекршоци и на возачите им биле изречени соодветни санкции. Констатирани биле и 39 останати прекршоци,, стои во информацијата од МВР
Според евиденцијата, на територијата на ПС Струмица биле казнети 41 возач кои возеле побрзо од дозволената граница, на територијата на ПС Гевгелија казнети се 34, на регионот што го покрива ПС Радовиш казнети се 22 а на подрачјето што го покрива ПС Валандово казнети се 12 учесника во сообраќајот, кои не се придржувале кон дозволената граница за брзина.
Од СВР Струмица кои најавија нови акциски контроли, апелираа до учесниците во сообраќајот да се придржуваат кон сообраќајните правила и прописи заради поголема безбедност во сообраќајот на патиштата.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
