Време е да создадеме европски клуб, вели блокерот Ристо Николов кој потпиша уште една сезона во Џио Струмица

Струмичкиот одбојкарски прволигаш ,,Џио Струмица’’ во своите редови за следната натпреварувачка сезона го задржа средниот блокер и член на македонската одбојкарска репрезентација-Ристо Николов. Ова е третото засилување што Џио го промовираше деновиве и сериозно ја наметнува својата кандидатура за висок пласман и следната сезона.

,,Време е да создадеме европски клуб. Со силна мотивирана управа, со силни спонзори, мора да направиме Струмица да биде одбојкарски центар кој редовно ќе се натпреварува во Европските купови и ќе “произведува” репрезентативни играчи. Очекува следната сезона двете круни да останат во Струмица и со добра жрепка да се помине бар едно две кола во Челенџ а паралелно да го зголемиме и бројот на запишани млади деца во клубот оти ние сме единствените што имаме бесплатна одбојкарска школа,, изјави за Дрнка.МК Ристо Николов

По Владо Милев, Васе Михаилов Ристо Николов е третиот репрезентативец во Џио кои ова сезона има високи клупски амбиции, напад на титулите во првенството и во Купот и што подобро претставување на интернационалната сцена со оглед дека се поизвесно е дека струмичани ќе поднесат пријава во евро куповите.

Клубот планира и процес на подмладување, односно засилена активност во работата со младите категории заради создавање одбојкари коишто ќе бидат основа на струмичкиот состав во подолг временски интервал.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.