Наесен во Југоистокот можно е да се прават планински вело патеки во должина од 304 километри. Зелено светло треба да даде Швајцарската агенција за меѓународна соработка која додели грант 320 илјади евра. Жителите од Југоистокот пред некој месец на Регионалниот форум на заедница, предложија средствата да се насочат за реализација на проектот ,,Смарт вело регион,,. Овој проект доби најмногу гласови на Форумот по што следуваа проектите ,,Енергетско ефикасен регион” и ,,Дојран регионална еко-оаза”.
(Југоистокот има огромен потенцијал за планински велосипедизам фото Б. Трајков)
Од Центарот за развој на Југоисточниот плански регион кој ги обезбеди средствата и го организираше регионалниот форум, ја доставиле проектната документација и сега се чека зелено светло од посебна комисија по што ќе отпочнат да течат роковите. Првиот човек на Центарот за развој на Југоисоктот Жулиета Ѓуркова очекува во октомври да започнат работите на терен доколку швајцарците дадат позитивен став.
(Се планираат вкупно 13 рути со вкупна должина од 304 километри фото Б. Трајков)
,, Нашите очекувања се развивање на друга форма на туризам кој е во подем во регионот а тоа е планиснкиот туризам. Планирано е расчистување на патеките , поставување дрвени табли на кои ќе има кјубар кодови и со скенирање на кодовите велосипедистите, планинарите или рекративците да ја симната целата рута. Сите патеки ги поврзуваат туристичките локалитети што значи ќе бидат посетени многу повеќе, посебно во руралните средини каде се надеваме дека ќе се развијат други дополнителни услуги кај локалното население за велосипедистите кои ќе доаѓаат,, вели Жулиета Ѓуркова директор на Центарот
(Рутитите ќе ги поврзуваат сите туристички локалитети во Југоистокот фото: Дрнка)
Предвидени се вкупно 13 планински влосипедски рути со кои ќе бидат поврзани сите 10 општини од регионот за да може д се потикне нова форма на туризам во Југоистокот. Како што вели Ѓуркова со преоктот ,,Смарт вело регион” се очекува да се привлечат гости и од Бугарија и Грција со оглед на пристапноста на рутите но и климата со која располага регионот
Еве кои се 13 те планински вело рути:
(Принт скрин од рутите кои се планираат да се прават во Југоистокот)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
