Во наредниот период Центарот за развој на Југоисточниот плански регион од Струмица заедно со Emkice KIC и Сојузот на стопански комори на Македонијаќе бидат дел од проектот „SEB COVE“ кој паралелно се имплементира и во Германија, Холандија, Португалија, Шпанија, Италија, Грција .Македонските партнери од овој проект во Струмица го организираа третиот регионален настан „Трипартитна соработка за зелена и дигитална трансформација“ во Струмица во кој на едно место ги споија науката, реалниот сектор и локалните самоуправи со цел да отпочне постапката за примена на нови технологии за изградба на паметни згради и да бидат енергетско ефикасни.
,,Проектот има за цел да ни даде еден правец во делот на енергетската ефикасност и паметната електрична енергија за згради. Со овој проект до крајот на годинава ќе се отвори Центар за обука или Центар за стручна инзворендност кој ќе биде лоциран во Југоистокот и во него ќе се вршат обуки за компании, ученици, студенти за да дадеме потик на сите како овие објекти“ кажа Ѓоко Камчев
Овој центар ќе биде од корист за младите каде ќе добијат дополнителни знаења како да ги применуваат новите технолгии и опрема при изградба на јавни и приватни објектите а паралелно едукатори ќе бидат наши професори од нашите универзитети. Од таа причина беше склучен меморандум за соработка електро и машинските факултети од трите државни универзитети „Св. Климент Охридски“ – Битола, „Св. Кирил и Методиј“ – Скопје и „Гоце Делчев“ – Штип.
,,Очекувам кадри кои ќе бидат обучени да воведуваат нови технологии за заштеда на електирчна енергија, со модерни системи за противпожарна заштита, лифтови, греење ладење итн. Ние во овој проект гледаме развој и да чекориме заедно со останатите европски држави во таа насока,, кажа Горан Ѓеоргиоски од ССКМ
На регионалниот настан „Трипартитна соработка за зелена и дигитална трансформација“ во Струмица беа организирани три панели. Првиот беше беше посветен на енергетската ефикасност во општините, каде градоначалниците ги презентираа успешните проекти и плановите за идните напори во оваа насока. Вториот панел, професори и експерти за регионален развој разговараа за улогата на паметните и енергетски ефикасни градби во иднината. Тие ја истакнаа важноста на новите технологии за развојот на паметни згради и потенцијалот за соработка помеѓу академијата и бизнис-секторот за побрза имплементација на иновативни решенија.. Додека во Третиот панел се фокусираше на градежниот сектор и енергетската ефикасност. Претставниците на компаниите од регионот понудија интересни перспективи за идниот развој на паметни и енергетски ефикасни решенија, како и можностите за финансирање на овие проекти.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
