Во десетте општини од Југоистокот гласањето за претседател на државата помина без поголеми забелешки и изборни нерегуларности. Сите избирачки места во 10 те општини беа навремено отворени и според општинските изборни комисии немало поголеми неправилности со исклучок на реакциите, што дел од гласачите ги немало на избирачкиот список
Според информациите од ДИК кандидатот на СДСМ Стево Пендаровски во Југоистокот по првиот круг, води во општините Струмица со околу 3 200 гласа предност пред Силјановска во Дојран со околу 30 гласа, во Богданци со околу 200 гласа и во Конче со околу 260 гласа пред кандидатот на ВМРО ДПМНЕ
Канидатот на ВМРО ДПМНЕ за претседател Гордана Силјановска Давкова според првичните неофицијални информации на ДИК, води во Радовиш со околу 450 гласа повеќе во однос на Пендаровски, во Гевгелија со околу 250 гласови, во Валандово со околу 280, во Василево со околу 260, во Босилово со околу 500 гласови и во Ново Село околу 600 гласа
На ниво на југоистокот Пендаровски според ДИК има 1400 гласа побеке од Силјановска Давкова, Блерим Река осволи околу 550 гласови а околу 2500 гласачки ливчиња се неважечки покажуваат првичните неофицијални податоци од ДИК
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
