Деновиве во населеното место Јаргулица-општина Радовиш почнаа работите за изградба на три улици со фекална канализација. Станува збор за улици во вкупна должина од околу 620 метри објави на својата ФБ страна, градоначалникот на Радовиш Герасим Конзулов. Според техничката спецификација, улиците се именувани како Оска 1 во должина од 367 метри, Оска 2 во должина од 156 и Оска 3 во должина од 92 метри сите во населеното место Јаргулица.
Изведувач на градежните работи за овој проект е фирмата Евроградба Инженеринг од струмичко Владевци која на распишаниот тендер понуди најниска цена во конкуренција на 13 фирми. Договорот е склучен летово. Според истиот, изведувачот е должен во рок од 6 месеци да ги заврши работите. Целата инвестиција за изградба на трите улици со фекална канализација чини околу 6 милиони денари или 98 илјади евра, средства кои се обезбедени од буџетот на општината
Паралелно како што објави градоначалникот Конзулов екипи на ЈП Плаваја од Радовиш, ќе работат на промена на трасата на водоводната инсталација во должина од 2 километри
Деновиве започна и изведбата на улица бр 8 во Урбан блок 9.3. и истата ќе има тротоари, фекална и атмосферска канализација
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
