Деновиве во паркот што се гради во населеното место Турново е поставен спомен скулптура на постилинденскиот револуционер Мануш Георѓиев Турновски – еден од најпознатите војводи од струмичкиот регион. Станува збор за скулптура што ја изработи уметникот Никола Пијанманов од Струмица а поставена е на карпа како симбол на македонскиот непокор и борбата за слобода, посебно од младите војводи како што бил Мануш кој во својот лик го носи втиснато лицето на учител Гоце Делчев. Сите млади борци, војводи од тој период се Гоцелики.
,,Скулптурата е со димензии 150 см и основа 90 см. Поставена е на карпа, како симбол на камен темелникот кој го поставиле овие млади луѓе за слободата. Ликот на револуционерот е свртен кон висините, а со силно изразените експресивни дланки се покажува чинот на непокорливост, на пркос. На плочата под скулптурата во железо е изгравирана песната со која народот го опеала својот заштитник, Мануш војвода,, изјави за Дрнка.МК портал уметникот Никола Пијанманов
Поставувањето на скулптурата во родното село на Мануш Турновски е во организација на Општина Босилово со помош и донации на жители од Турново кои кои што живеат надвор од нашава земја.
Мануш Турновски загинал во 1908 година на 28 години во непосредна бнилизина на Петрич каде биле затекнати од отоманската војска. За него се отпеани повеќе песни. (В.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
