Престојниот период во населеното место Сушево се очекува да се асфалтира улица во должина од 105 метри но и просторот околу фонтаната во селото. Деновие таму тековно се работи на изведување на земјените работи откако минатата година жителите од оваа населено место овие работи ги истакнаа како приоритет за решавање. Градоначалникот Славе Андонов кажа дека ова е проект за доброто на граѓаните на Сушево
„Уште еден проект за доброто на граѓаните. Градежни активности на улица во Сушево. Направивме увид во градежните активности на улица во Сушево која е повеќегодишно барање на граѓаните. Оваа улица ќе добие асфалт по поставувањето на нов тампон. Ќе се асфалтира и центарот во Сушево околу фонтаната. Уште едно мое ветување станува реалност“ објави градоначалникот Андонов
Според податоците во техничката документација, улицата е со должина од 105 метри, ширина од околу 3,2 метри односно вкупно асфалтирана површина од 345 м2 , за што од општинската каса се обезбедени 534 308 денари. Ќе се асфалтира и површината околу фонтаната, која согласно техничката документација изнесува 180 м2.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
