Околу 30 милиони евра ќе се слеат во струмичко од годинашново производство на пролетна зелка кое се очекува да тежи околу 40 илјади тони. Сето тоа се должи на добрата откупна цена но и разговорите што се водеа со откупувачите и земјоделците за и околу откупната цена кажа министерот за земјоделство Цветан Трипуновски кој денеска беше во струмичко во посета на неколку откупни пунктови.
,, Волкав девизен прилив во струмичко досега се нема случено. Она што успеавме е цената да не падне под 35 денари и интенција е просечнат откупна цена да стаса на 43 денари. Досега се откупени и извезени околу 35 илјади тони зелка а имајки во предвид дека сезоната ќе се заокружи на 40 илјади тони, тоа значи во струмичко ќе влезат околу 30 милиони евра од извоз на зелка,, кажа министерот за земјоделство Цветан Трипуновски
Земјоделците потврдија дека има побарувачка за годинашното производство. За разлика од лани годинава зелката има подобра откупна цена но ја има во помали количини. Таа во моментов се откупува по минимум 50 денари за кг зелка a. Дел од земјоделците кажаа дека на одредени пунктови се нуди и по 55 денари за килограм но за жал се помалку количини има бидејки производството под пластеници привршува.
Годинашново производство на пролетна зелка најмногу се извезува во Украина, Полска но и на пазарите на поранешна Југославија. Како што беше потенцирано не се очекува пад на откупната цена во наредниот период пред се поради зголемената побарувачка. (В.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
