За наредната учебна 2026/2027 година намален е бројот на паралелки и ученици што треба да се запишат во прва година во трите средни училишта во Струмица. Лани во двете општински средни училиште „Јане Сандански“ и „Димитар Влахов“ и државното „Никола Карев“ за тековната учебна година можеле да се запишта 1 114 ученици во прва година во вкупно 37 паралелки, додека за следната 2026/2027 учебна година може да се запишат 953 ученици во прва година во 32 паралелки. Ова значи дека има намалување од пет паралелки во кои требаше да се запишат за 161 средношколец во прва година
Во СОУ „Јане Сандански“ бројот на паралелки се намалува во гимназиското. Таму лани можеле да се запишат 170 ученици во 5 а сега во 3 паралелки 102 средношколиц. Едната треба да биде со германски јазик од 4 часа. И годинава како и лани има 118 места во прва година економска струка кои ќе бидат поделени во 4 паралелки
Во СОУ„Димитар Влахов“ има намалување за една паралелка или 25 ученици. Таму се намалуваат паралелките во земјоделската и медицинската струка, но ќе има плус една паралелка во секторот угостителство. Таму место една ке има две паралелки од идната учебна година со вкупно 50 слободни места. Во земјделската може да се запишат 75 средношколци во три паралелки, сектор хемија и технологија 3 паралелки со вкупно 84 ученици, здравствена струка 102 ученика во 3 паралелки.
Две паралелки за разлика од лани ќе има и во ДСУ „Никола Карев“. Таму годинава може да се запишат 422 ученика што е 68 ученика помалку од лани. Во ова училиште за следната учебна година има намалување на паралелките во сектор машинство и електротехника. Годинава во овие два сектора се планирани по 3 паралелки. Во машинство да се запишат 93, додека во електротехника 102 ученика. Во секторот текстил и кожа ќе има 50 слободни места во 2 паралелки, сообраќај и транспорт 3 паралелки со 93 места, градежништво 59 во 2 паралелки и дрвенопреработувачката една паралелка со 25 деца.
(В.Трајков)
Конкурсот за следната учебна година може да се виде ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
