Дури 141 апликација стасале во АВРМ Струмица од граѓани од струмичкиот регион за мерката самовработување преку отворање сопствен бизнис, информираа од Министерството за економија за Дрнка МК. Од нив 74 се за млади лица до 29 години. Овие лица може да добијат 7 односно 10 илјади евра неповратни средства за отпочнување свој бизнис а со тоа и да се самовработат.
За вработување нови лица, аплицирале и 60 компании од струмичкиот регион. Преку мерката ,,Вработување и раст на првни субјекти“ овие компании побарале поддршка за отворање на 62 нови работни места. Според оперативниот план треба да добијат од 800 илјади до 1,2 милиони денари во зависност од бројот на вработени.
,,Доколку овие апликации во целост се прифатени, тоа значи дека во Струмичкиот регион во 2025 година е обезбедена поддршка за 203 нови работни места“, велат од министерството за економија
Инаку од останатите јавните повици на министерството за економија и труд во 2025 година – средства има одобрено за 4 компании од Струмичкиот регион, каде 2 за Надоместување на дел од трошоците за акредитирање на лаборатории и 2 за Поддршка за зголемување на конкурентноста на деловните субјекти од преработувачка индустрија. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
