,,Од 1 до 6 септември е договорено електричните автобуси да стасаат во Струмица, полначите се поставуваат, авто базата се спрема оти овие вредни автобуси не треба да бидат на отворено а на 11 септември ќе повикаме преставници од Минситерството за транспорт и врски, преставници од дипломатскиот кор, да направиме еден официјален дел на отворање на пробен период на возење на автобусите“.
Вака кажа директорот на ЈП Струмица Транспрот – Драги Поп Стојанов на седницата на Советот, на која се расправаше за Извештајот за работата за првите 6 месеци со финански резултати на ЈП Струмица Транспорт но и за изменита на годишниот план за вработување .Како што подвлече директорот, во наведениот период во Струмица ќе стасаат сите 10 автобуси а не првите пет како што стои во Договорот.
За директорот Драги Поп Стојанов ова е од голема предност пред се поради новите регулативи на ЕУ но и ќе биде од функција на самото јавно претпријатие кое ќе стартува со сите 10 автобуси, кои се земени со лизинг а не само со петте кои требаше да стасаат до септември а останатите во рок од 18 месеци.
Електричните автобуси се набавени од Аутомакедонија по пат на финансики лизинг. Чинат околу 7 милиони евра. Директорот Поп Стојанов кажа дека ако не биле на лизинг истите ќе биле и поевтини. Во однос на Физибилити студијата кажа таа дополнително ќе биде доставена до советниците иако тие со месеци ја очекуваат за да ја видат економската оправданост на овој проект но и кои се линиите, стојалиштата, начинот на обраќање на автобусите, цената итн итн.
Паралелно ЈП Струмица транспрот ги набави и полначите . Во меѓувеме се спрема автобазата каде ќе се паркираат автобустие а беше распишан и тендер за мобилни контејнери . Овие јавни набавки ги добија Џови Компани и Евроградба Иженеринг од Владевци во вредност од околу 8 милиони денари или околу 130 илјади евра. (В.Трајков фото: архива)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
