Во сабота во Струмица ќе се отвора „Ротари клуб Струмица“ кој ќе биде дел од светската мрежа на “Ротари Интернационал“, која брои над 1.4 милиони членови со над 45.000 клубови ширум светот. Целта на клубот е да спроведува хумани мисии кон заедницата каде ќе функционира но и да гради мостови на пријателство и соработка.
Отворањето на клубот ќе биде во сабота во Хотел Сириус со почеток во 20 часот каде на едно место ќе се соберат бизнисмени, преприемачи, функционери, градоначалници од регионот, пратеници, советници, преставници на верски заединци како и граѓани кои ја поддржуваат иницијативата.
,,Настанот има и донаторски карактер – средствата собрани преку котизациите и индивидуалните донации ќе бидат наменети за набавка на медицинска опрема за Детското одделение – Педијатрија при ЈЗУ Општа Болница Струмица.Ова е прв ваков настан во Струмица и претставува важен чекор во развојот на заедницата, преку хуманитарна, едукативна и општествено одговорна работа,, се вели во информацијата по повод отворањето на Ротари клубот во Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
