Шаховскиот клуб ,,Цареви Кули“ од Струмица организира Божиќен шаховски турнир кој ќе се одржи на 11 ти јануари во хотелот Сириус во Струмица . Турнирот ќе биде со натпреварувачки карактер и награден фонд од 72 илјади денари. Ќе се игра по швајцарскиот систем со темпо од 10 минути и 5 секунди по потег (рапид шах) според важечките ФИДЕ правила за рапид шах.
Право на учество имаат сите кои го сакаат шахот и веруваат дека може да се носат со ова игра на шаховските табли. Котизацијата по играч изнесува 800 денари додека за лица родени 2008 и помлади, котизацијата е 600 денари. Предвидени се парични награди за најдобрите 10 учесници на Божиќниот турнир. Најдобриот ќе добие 18, второпласираниот 12 додека третопласиранниот 8 илјади денари.
Предвидени се и специјални награди и тоа за најдобар струмичанец шахист, најдобар млад играч до 18 години, најдобар играч со возрас над 65 години како и најдобри играчи кои имаат до 1700 и 2000 рејтинг споре рангирањето.
Повеќе информации заинтересираните може да добијат на ШК Цареви Кули
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
