Струмичката болница ги дислоцираше хируршките амбуланти од стариот во новиот болнички крак за да ослободи простор за сместување на ковид пациенти, бидејки на инфективното со денови нема легла за прием на новозаболени. Станува збор за четири простории кои имат посебен влез, во кои досега се вршеа хируршки прегледи и интервенции а сега ќе бидат наменети за болнички престој на пациенти со ковид-19 со полесна клиничка слика. Таму веќе се прават последните интервенции на просторот за да може дел од заболените бидат сместени таму и лекуваат.
Како што најави директорот на болницата Наќе Гогов во хируршките амбуланти ќе се постават 15 кревети и на тој начин ќе се растовари притисокот на инфективно каде во моментов се лекуваат 20 пациенти кај кого е дијагностициоран вирусот.
,,Во последните две недели се зголеми бројот на пациентите со ковид -19 па ние бевме принудени да отвориме дополнителен простор. Затоа предвремено ги дислоциравме хируршките амбуланти во новиот болнички крак каде планиравме д ги сместиме но заради новонастанатата ситуација тоа го направивме предвремено. Во ослободените просотии ќе има можност да бидат сместени 15 пациенти со лесна клиничка слика. Првите пациенти очекуваме да ги сместиме веќе веќе од понеделник ,, ни изјави директорот на струмичката болница Наќе Гогов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
