Ретко кој станбен објект за колективно домување во Струмица има функционален ПП хидрант. Исклучок се новите згради, старите воопшто немаат хидрантска мрежа додека останатите имаат само ормари а црева и млазници не. Вака тврди инспекторот за пожари Митко Димчев од Дирекцијата за заштита и спасување. Според него вината е во сите станари. Доколку имаат во објектите исправни ПП хидранти станарите, многу побрзо ќе интервенираат при појава на пожари.
Како што вели Димчев и овие хидранти треба да бидат лесно достапни и постојано сервисирани односно во секое време да бидат подготвени за употреба со соодветен притисок. Според него, поновите згради во Струмица имаат хидрантски мрежи но за жал таму стојат само ормари.
,, ПП хидранти треба да има на секое одмаралиште во станбен комплекс. Во него треба да има црево и млазници. Тој треба да биде лесно достапен и со него треба да можат да ракуваат станарите кои мора да имаат основни познавања или пожарникарите. Инаку одговорни се сите. Станарите ако не се грижат за зградата, тогаш ништо не сме направиле. Законска обврска имаат или преку фирма за одржување која ќе им наплати за сервисирање, замени на црева вентили или преку куќниот совет“, вели Димчев
Согласно законот за протвипожарна заштита казните за нефункционална хидрантска мрежа во објектите за колективно домување се движат и до илјада евра за станарите. Исправни ПП хидранти има и во останати јавни објекти. Освен во станбени комплекси согласно законот за протипожарна заштита потребна е општините да имаа надворешна хидрантска мрежа на јавни места.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
