МВР во координирана акција разби криминална група од Струмица, која се занимавала со продажба на наркотична дрога „хероин“. Организатор на криминалната група бил 45 годишниот струмичанец В.С. со криминално минато, осудуван за недозволена трговија со дрога.Тој хероинот го набавувал во количини од половина килограм, која потоа ја препакувал и ја продавал по цена од 1.300 и 1.500 денари за еден грам на уживатели и дилери од Струмица и Штип. Во продажбата на дрогата бил инволвиран и 49 годишен жител од с.Добрејци Т.К. кој „хероинот“ го продавал од неговиот дом. Во акцијата на МВР лишен од слобода е и 33 годишен жител на Штип кај кого при личен претрес пронајдена е наркотична дрога „хероин“, купена од В.С. од Струмица
На 25 и 26.10.2019 година во Струмица лишени од слобода се шест лица од Струмица за кои во истрагата е утврдено дека купувале наркотична дрога „хероин“ од В.С и Т.К.. При претреси на седум локации во Струмица кај пет лица, меѓу кои и станот кој го користел В.С. во Струмица, пронајдени се околу половина килограм наркотична дрога „хероин“, спакувана во неколку кеси и смеса за мешање, 45.000 денари, 325 евра а запленети се две патнички возила, кои биле користени за продажба на хероин.
По завршување на истрагата, СВР Струмица поднесе кривична пријава против В.С. и Т.К.за сторено кривично дело „неовластено производство и пуштање во промет на наркотични дроги, психотропни супстанции и прекурсори“ и против П.С. (42) од Струмица, за сторено кривично дело „помагање“
Од страна на судија на претходна постапка на В.С и Т.К одреден им е притвор во траење од 30 дена.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
