Лица со попречености но и зависници директно се вклучија со работа во првиот Центар за работно ориентирана рехабилитација на граѓанското здружение ,,Избор’’ од Струмица. Станува збор за социјално препријатие кое има за цел да ги вклучи лицата со попречености. Тие во Центарот пакуваат свежо овошје и зеленчук за потребите на македонскиот пазар но ќе вршат и сушење на земјоделски производи за што имаат и посебни машини. На тој начин како што кажа Сократ Манчев од здружението Избор, тие ќе стекнуваат работни вештини но и ќе имаат примања.
,,Тие лица што имат одредена попреченост или имат друг проблем одлично функционираат и одлично се се снаоѓаат во работниот процес. И не гладам никаква разлика. Тука еднаквоста станува стандард,, кажа Сократ Манчев
Центарот e прв од ваков тип во државата и ќе работи на поддршка на лицата со попреченост да го остварат своето право на работа и вработување. До крајот на 2022 година очекуваме речиси 300 лица со попреченост од југоисточниот регион да се вклучат во работно-ориентирана рехабилитација и секој од нив, согласно личниот план, да се вработи. Според Конвенцијата на Обединетите нации за лицата со попреченост, секое лице има право на вработување, работа и независен живот.
На отворањето на првиот Центар во Струмица присутни беа министерката за труд и социјална политика Јагода Шахпаска, амбасадорката на Швајцарија – Сибил Зутер, претставничката на УНДП, Нарин Сахакијан и градоначалникот на Струмица Коста Јаневски. Сите тие го поздравија отворањето на Центарот којашто им овозможува на лицата со попреченост да бидат вклучени на пазарот на трудот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
