Во Домот на АРМ отворена е изложба на слики од 13-тата Меѓународна ликовна колонија ,,Охрид 2024″. Станува збор за уметнички дела кои се работат на Меѓународната ликовна колонија во Охрид а е во организација на Здружението Мобилност и во контуинитет се изложуваат во Охрид и Скопје. Благодарение на Домот за деца и млади „Благој Мучето“таа е и во Струмица која во наредниот период ќе биде на показ на струмичани
Изложбата ја отворија директорката Светлана Мазгалоска Вучетиќ и професорот Зоран Јакимовски, претседател на Организациониот одбор, а свое обраќање имаше и претседателот на “Мобилност”, Бранимир Јованов. На оваа колонија, 13 по ред, редовно учествува и нашата позната ликовна уметничка Роза Мојсовска и нејзини 6 дела беа составен дел од изложбата. Изложбата ја посетија голем број на претставници на институции, ликовни уметници, наставници, професори по ликовно образование и многу други љубители и почитувачи на ликовната уметност и истата е со продажен карактер.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
