Струмица ја забележа највисоката бројка на новозаразени од ковид-19 во третиот бран. За последните 24 часа регистрирани се дури 52 нови позитивни случаи. Голема е бројката и во Гевгелија каде евидентирани се 32 новозаболени, 11 во Радовиш, 10 во Валандово, 2 во Богданци и еден случај во Дојран. Во овој дел на државата министерството за здравство бележи и двајца починати, пациент на возраст од 78 години во Струмица и пациент на возраст од 58 години во Радовиш
Во овој дел на државата евидентирани се 41 оздравени лица и тоа Гевгелија – 18, Струмица – 13, Радовиш – 4, Валандово – 3, Богданци – 2, Дојран – 1.
Со новите позитивни, бројката на активни во Југоистокот скокна на 1 059 случаи и тоа во Струмица има активни 376, во Гевгелија 398, во Радовиш 120, Валандово 89, Богданци 74 и Дојран 12 активни случаи.
Инаку на ниво на држава 29 пациенти починаа од ковид-19 во болнички услови во изминатите 24 часа, а од 3.978 тестови регистрирани се 1.402 позитивни, соопшти Министерството за здравство.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
