Министерот за земјоделство, шумарство и водостопанство, Цветан Трипуновски, откупувачите, земјоделците и преработувачите денеска договорија повисоки откупни цени на индустриската пиперка од соратата „куртовска капија“од годинашната реколта
Првата класа (индустриска) ќе се откупува по 45 денари, за прва-втора класа 35, за втора 20 и за трета 15 денари за килограм.
,,Охрабрува фактот што понудените цени се повисоки од лани“, кажа министерот за земјоделство Цветан Трипуновски
Тој најави засилен надзор од страна на Инспекторатот и апелираше за строго почитување на правилникот за квалитет, со цел стабилност на пазарот и одржување на цените
Преработувачите очекуваат дека земјоделците ќе бидат задоволни од договорените цени. Се надеваат истите да бидат мотив за во иднина да се зачувааат постоечките но и да се зголемат површините со оваа култура. Апелираа да не се носи сето производство одеднаш .
Според првичните проценки прозиводството на црвена пиперка годинава во државата треба да тежи околу 65 милиони килограми (М.К.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
