Во среда на 24 септември 2025 година во фоајето на Центарот за култура ,,Антон Панов“ Струмица , со почеток во 19:00 часот ќе биде промовирана новата книга поезија на Ристо Маџунков насловена ,,Звуци и зраци” во издание на списанието за литература „Современост“.
На промоцијата за поезијата на Ристо Маџунков ќе зборуваат рецензентот Трајче Бјадов и промоторот Ацо Гогов, а свое пригодно обраќање кон присутните ќе имаат и фолкористот Иван Котев и уредникот во книжевното списание ,,Современост”, Стефан Марковски.
Стихови од ,,Звуци и зраци” ќе читаат Гонца Шивачева, Мариета Дукиќ, Павле Стојанов и Ален Нанов а модератор на настанот ќе биде Ѓорги Калајџиев.
Ристо Маџунков кој зад себе има десетина дела од 2006 година живее и работи во Торонто, Канада, но редовно престојува по неколку месеци во годината, во родната Струмица и Македонија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
