Познати македонски пејачи ќе ги пеат најголемие хитови на Гоце Арнаудов, на концертот кој ќе се одржи на 4 декември од 19 часот во Домот на културата „Антон Панов“ во Струмица. Концертот се одржува во знак на сеќавање на легендарниот пејач на народна музика, кој почина на 6 декември во 2011.
Ќе настапат Ламбе Алабаковски, Јоце Панов, Миле Кузмановски, Елена Велевска, Александар Тарабунов, Мартинијан Кириловски, Александра Јанева, Ленче и Горан Кукиќ, Огнен Здравковски, Борис и Билјана Димови, Бока Конга, Боби Сакс, Јовче Пандев, градскиот хор на Струмица „Распеани Струмичани”, како и неговата ќерка, поп-пејачката Кристина Арнаудова. Водител на настанот наречен „Струмица се сеќава на Гоце“ е Миро Кацаров.
Влезниците се продаваат на билетарницата на Домот на култура и чинат 350 денари.
Гоце Арнаудов е роден во Струмица на 19 август 1954. Почнал да пее и да свири гитара во групата на неговиот татко. Има напишано над 200 песни, учествувал на стотина фестивали, од кои на преку 60 има освоено прво место. Пет години беше прогласуван за најпопуларната личност на Македонија. Во 2000, на стадионот во својот роден град Струмица, одржа концерт пред 10.000 луѓе. „Штом ноќва помине“, „Дали чекаш стара мајчице“ и „Огин и пламен“ се дел од неговите најпознати песни.
Во Струмица живеат неговата сопруга Силвија и синот Оскар, а ќерката Харита со семејството во Охрид.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
