Идната недела во организација на Општина Босилово почнува третото издание на манифестацијата ,, Босилово културно лето 2024“ и тоа со концертот на роднокрајни изведувачи кои ќе внесат свежина на просторот кај летната сцена во Босилово. Според програмата предвидени се да настапат Александра Јанева, Теодора Сретеновиќ, Љубомир Митревски, Јовче Пандев, Иван Кукиќ, YU For You и Retromania
Според најавите, на репертоарот ќе бидат домашни и странски хитови кои се добро познати на целокупната јавност. Концертот ќе започне во 20:30 минути и ќе биде спој на повеќе жанрови на музика на која може да се ужива со добро друштво.
,,Нашата намера е да дадеме широк простор на локалните уметници, односно на уметниците кои што живеат или потекнуваат од нашата општина или од поширокиот струмички регион. Имаме толку многу квалитетни, успешни и докажани уметници, во сите области, за кои можам да кажам дека се многу почитувани и вреднувани надвор а дома недоволно признаени. Од друга страна, давањето простор на нашите уметници е голем стимул за идните генерации. И на крајот на денот, ќе го спомнам и финансискиот дел. Сите настани ги организираме или без надомест или со минимални финансиски издатоци бидејќи секогаш проработува љубовта и разбирањето кај нашите роднокрајни уметници и во оваа прилика упатувам голема благодарност до сите нив. ,, изјави за Дрнка МК градоначалникот на Босилово Ристо Манчев
Босилово културно лето е културна манифестација која се организира трета година по ред. Во изминатите две години беа организирани настани од сите области на културата – музиката, театарот, литературното творештво, ликовната уметност. Босилово е единствена рурална општина која организира културно лето и од година во година се развива преминувајки во традиција бидејки во руралните средини имаат многу скромен социјален живот. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
