Викендов во СОУ „Димитар Влахов“ во Струмица се одржа глобалниот хакатон NASA Space Apps Challenge 2025 – настан кој истовремено се организира во повеќе од 260 земји ширум светот. Овој престижен натпревар, поддржан од вселенската агенција NASA, има за цел да ги поттикне младите таленти да креираат иновативни решенија за предизвиците поврзани со вселената, Земјата и науката со временска рамка од 48 саати.
На струмичката локација по четврти пат, свое учество земаа ученици од цела држава, кои со голем ентузијазам и тимска работа развиваа идеи и проекти инспирирани од вселенските мисии и научните податоци на NASA.
Настанот им овозможи на младите да стекнат нови знаења, да ја развијат својата креативност и да се поврзат со истомисленици кои веруваат во моќта на науката и технологијата.
Организаторите и менторите ја изразија својата благодарност до сите учесници и ја истакнаа важноста на ваквите иницијативи за поттикнување на иновативниот дух кај младите во Македонија
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
