Во синоќешната сообраќајка на магистралниот патен правец Струмица-Радовиш кај василевската крстосница учествувале три возила информира МВР а во која едно лице загина три се потешко повредени а други пет поминале со полесни повреди. Според МВР во едно од возилата ,,опел астра’’ со скопски регистарски ознаки имало 11 мигранти од Пакистан во другото возило ,,фолсфаген пасат’’ две лица од Градашорци и во третото возило ,,ауди’’ возач и троја сопатници.
,, Во сообраќајна незгода во која учествувале патничко возило „опел астра“, со скопски регистарски ознаки, сопственост на правно лице, а управувано од Е.С.(55) од Скопје, во кое имало 11 мигранти од Пакистан, патничко возило „фолксваген пасат“, управувано од С.Г.(34), со сопатник С.Г.(57), и двајцата од с.Градашорци и патничко возило „ауди“, управувано од Д.К. од Скопје, со тројца сопатници. Во незгодата загинал возачот на возилото „фолксваген пасат“, а со тешки телесни повреди се здобиле три лица, и тоа возачот и еден сопатник од возилото „опел астра“ и еден сопатник од возилото „фолксваген пасат“, додека со телесни повреди се здобиле пет лица сопатници во возилото „опел астра“,, информираше МВР
Увид на лице место извршија Јавен обвинител и увидна екипа од СВР Струмица. Се преземаат мерки за расчистување на несреќата во која загина 34 годишен жител од Градашорци.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
