Општина Босилово и ова година ќе ја реализира акцијата ,,Овошно дрвце за пластични шишиња. Акцијата ќе се реализира во училишните дворовои на сите населените места во Општината и тоа во периодот од 10 часот и 30 минути до 12 часот а во населените места Босилово и Моноспитово ќе има и на други локации.
,,Сите граѓани кои ќе соберат минимум 30 пласитчни шишиња ќе добијат овошна садница по избор. Овошните садници ќе се делат, односно пластичните шишиња ќе се собираат во училишнниот двор на секое населено место. Освен во училиштата, садници во општинскиот центар Босилово ќе се делат и кај Старата чешма а во Моноспитово кај продавницата на Масон и Баск,, стои во објавата на градоначалникот на Општина Босилово Ристо Манчев.
Инаку Општина Босилово во февруари годинава распиша Оглас за набавка на 1200 овошни садници и тоа по 250 парчиња слива, праска, нектарина и круша и 200 дрвца цреши.
Лани во ова акција од сите населени места во Општина Босилово беа собрани околу 1 200 килограми пластичен отпад што се рециклираа и заради огромниот интерес општинските власти најавија дека ова акција ќе се спроведува секоја година.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
