Струмица е домаќин на Државните првенства за млади на Македонија во шах, благодарение на резултатите што ги направи за кусиот временски период ШК Цареви Кули. Државното првенство кое ќе биде до 29 јуни се одржува во хотел Сириус во Струмица и е во организација на Шаховската федерација на Македонија а се наптерваруваа девојчиња и момчиња до 8,10,12, 14,16 и 18 години.
Во зависност од бројот на учесници, првенствата се играат по Швајцарски или Бергеров систем според правилата на ФИДЕ. Темпото на игра е 90 минути по играч за цела партија со додаток од 30 секунди за секој потег почнувајки од првиот.
Од ШК Цареви Кули од Струмица на турнирот учествуваат вкупно 23 девојчиња и момчиња во повеќе категории.
,,Струмица и струмичани го сакаат шахот, и во разни периоди на своето постоење, овој наш град, и покрај разните подеми и падови, сепак остнувал доследен на својата љубов кон шаховската игра. Така е и денес кога Шаховскиот клуб „Цареви кули“, за релативно кус временски период од своето постоење, бележи континуиран растеж, за што зборуваат бројните успеси на државно ниво, но и афирмација на клубот и македонскиот шах и надвор од нашите граници,, беше кажано на отворањето на турнирите.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
