Во рамките на манифестацијата ,,Босилово културно лето 2024“ во пресрет на големиот христијански празник “Голема Богородица“, во населеното место Секирник ќе се одржат традиционалните ,,Русалиски средби“ а годинава ќе има и Богородичен концерт со Елена Андоновска, Сашко Митев и оркестарот ,,Дај една чалгија“.
На „Русалиските средби 2024“ ќе земат учество КУД ,,Танец“ од Миравци, ФА,,Бели Мугри“ од Кочани, ФА „Копачка“ Драмче -Делчево, ФА „Бојмија“ од Гевгелија, КУД ,,Мирка Гинова“ од Демир Капија, ФА ,,Мегдан“ од Богданци но и домакините ,,Русалиите од Секирник.
Сите тие треба да ги пренесат русалиските игри кои се автентични ора на бегалците од Егејскиот дел на Македонија а потомците на ,,бежанците“ ги негуваат и до ден денеска тропајки со клчките. Русалиските средби ќе почнат во 20 часот.
Од 22 часот како што дознава Дрнка.МК ќе започне ,,Богородичниот концерт“ на кој ќе настапат Елена Андоновска и Сашко Митев кои се дел од ансамблот ,,Танец“ но и естрадни уметници кои со своите интерпретации ги стоплуваат срцата на македонците бидејки ја негуваат македонската народна песна. Тие ќе бидат пропратени од оркестарот ,,Дај една чалгија“ кои знаат да направат спој на традицијата и новокомпинирантата македонска песна
Елена Андоновска од својата 14 годишна возраст ги пее македонските изворни песни честопати во македонска традиционална облека. Спред многумина има славејски глас со кој ги интерпретира песните на македонските доајени на народната музика. Се смета за амбасадор на македонските ора, танци и песни како член на „Танец“.
Сашко Митев е вокалист и инструменталист, член на амсамблот „Танец”. Потекнува од Струмица а зад себе има и повеќе песни. Знае на свој начин да ја спои гајдата, кавалот со убавата песна, посебно традиционалните изворни. Богородичниот концерт е закажан во 22 часот веднаш по завршување на Русалиските средби.
,, Во сите организирани настани во рамките на ,,Босилово културно лето“ досега докажавме дека можеме да понудиме нешто ново, уникатно и интересно. Сите настани се од отворен и јавен карактер со слободен влез. Така ќе биде и во Секирник каде ќе се спои македонската традиција и музика и да докажеме дека и во руралните средини потребни се културни и музички настани а тоа веќе трета година успешно го прави Општина Босилово,, вели градонначалникот Ристо Манчев (В.Трајков )
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
