Во сабота на 1 ноември на помошното игралиште во Струмица екипите на ФК Беласица и АП Брера Струмица со децата родени 2013, 2014, 2015, 2016 и 2017 ќе одиграат неколку првенствени натпревари од Регионалната детска лига кои паралелно ќе имаат и хуманитарен карактер.
,,Имено децата од двата клуба ќе донираат парични средства за својата сограѓанка Нина на која и се потребни средства за лекување. На влезот на стадионот ќе бидат поставени кутии каде сите посетители ќе може да донираат за Нина“, ни соопшти тренерот Кире Ангеловски
Тренерите на двата ги повикуваат сите струмичани, лубители на фудбалот, хуманоста да дојдат на стадионот и да донираат за Нина а паралелно да уживаат во игрите на струмичката фудбалска иднина . Натреварот на генерација 2013 е со почеток од 09.30 часот,а на останатите натпревари во 13.30 часот.
Нина Димитриевска има 14 години и боледува од церебрална парализа. Уште од мали нозе се соочува со потреба од лекувања, рехабилитации, терапии. Нејзината состојба се подобри со операциите во САД но со пандемијата и прекинот на процесот на рехабилитација нејзината состојба почна да се влошува.
,,Секој ваш денар е поддршка за Нина да закрепне побрзо и да може повторно да стои на нозе, без болка и со насмевка. Веруваме дека со ваша помош ќе го пребродиме и овај чекор,, објавија нејзините родители.
Можете да донирате и ТУКА
Може да се донира и на телефонските броеви А1: 143 473 Т-Мобиле: 143 193
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
