Печени костени и специјалитети од костен, локална храна, многу музика, забава и оро. Ова ќе го понуди на посетителите годинашнава Костенијада или Фестивалот на Смоларскиот костен во Општина Ново Село кој годинава ќе се одржи на 19 октомври во сабота на платформата под Смоларскиот водопад со почеток во 11 часот.
Подготовките за оваа манфиестација финишираат и организаторите канат за уште едно вистинско уживање во убавините на Беласица надополнети со локални специјалитети од костен и добра музика за што ќе биде задолжена Адријана Јаневска а свој настап низ повеќе кореографии ќе има и КУД ,,Јане Сандански“ кој во Италија направи вистински спектакл.
Се очекува да бидат испечени околу половина тон костени за што ќе бидат ангажирани 20 тина лица кои ќе ги печат на жар на лице место. Паралелно ќе бидат изложени и голем број локални и традиционални специјалитети при што ќе има и неколку од костен кои спроед многумина Смоларскиот е еден од најквалитетниот во државата.
,,Сакаме да ги презентираме туристичките потенцијали на Општина Ново Село и преку локалните традиционални производи и преработки. Познати сме по природните убавини но наша цел е преку ова манифестација да ја понудиме и нашата локална храна бидејки овде домакинките знаат какви специјалтиети може да се направат од костени. За сите кои ќе бидат присутни во сабота на 19 октомври ќе им понудиме гостопримство, добар залак но одлична забава во прегратките на Беласица со нашето КУД Јане Сандански но и познатата Адријана Јаневска ,, изјави Ѓорѓе Божинов градоначалник на Ново Село
Годинашнава манифестација ќе има и хуман карактер. Имено средствата што ќе се соберат од продажбата на печени костени ќе одат за КУД Јане Сандански за набавка на нова народна носија и потребни реквизити бидејки стануваат вистински репрезент на македонскиот фолклор и Општина Ново Село.
Фестивалот на Смоларскиот костен се одржува секоја година а е финансиски подржан од Општина Ново Село и Министерството за земјоделство. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
