Во сабота во Струмица на плоштадот „Гоце Делчев“ ќе се одржи петото издание на манифестацијата ,, Агросаемн Струмица“ кој го организира здружението Проагро фармери. Над 100 тина изложувачи – фармери, градинари, пчелари, производители и дистрибутернина репроматријали и земјоделска опрема како од земјава така и од странство ќе бидат присутни на струмичкиот плоштад
Целта на саемот е да се зајакнат врските меѓу производителите и потрошувачите но и сите чинители во синџирот на производство на храна. Се очекува да да бидат прогласени најдобрите производители на мед по катеогрии но и да се прогласат Жена фармер и Млад фармер на годината. Паралелно ќе има и дегустација на најдобрите вина и алкохолни пијалоци од земјава
,,Ова не е само саем, туку вистински фестивал на вкусовите и традициите, каде што ќе ја почитуваме домашната храна и ќе ја поддржиме локалната економија. Со многу дегустации, културно-уметничка програма и стручни предавања. Целта на Саемот е да ја подигне свеста за домашната произведена храна и да овозможиме зајакнување на соработката и довербата помеѓу сите кои се вклучени во синџирот на земјоделско производство. Со овој голем настан сакаме да продолжиме да ја почитуваме локално произведената храна и да ја зголемиме свеста за купување на домашни производи ” велат од здружението Проагро фармери од Струмица.
Инаку манифестацијата е поддржана од Општина Струмица и од Министерството за земјоделство шумарство и водостопанство (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
