Во сабoта на 22-ри Април во општинскиот центар Ново село ќе се одржи вториот пролетен концерт насловен како ,,Pasta & Vino & Musica” во организација Кво Вадис Ад Астраи во соработка со Општина Ново Село и Амбасадата на Италија во земјава. На концертот ќе настапат италијанскиот бенд „Бони Деа“ и македонскиот ,,Ретроманија“ а според најавите од градоначалникот на Ново Село Ѓорѓе Божинов ќе може да се вкуси и македонско вино но и италијанска паста подготвена од македонски кувари.
,, Станува збор за голем пролетен концерт каде ќе промовираме македонска и италијанска музика храна и вино. Во првата година граѓаните добро го прифатија и се надеваме дека и ова година повторно ќе уживаме во македонски и италијански специјалитети но и музика. Ќе имаме можност да вкусиме квалитетно Македонско вино што ќе биде и можност за промоција на малите производители на вино во нашиот регион а секако да вкуспиме и италијанска паста- специјалитети направени од македонски раце по италијански рецепти,, најави градоначалникот на Ново Село Ѓорѓе Божинов
Пролетниот концерт ќе започне во 20 часот во центарот на Ново Село
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
