Здружението за помош и подршка на лицата со даунов синдром ,,Вера’’ од Струмица во сабота на 22 јуни организира хуманитарна трка ,,Трчаме заедно за Томе – надеж за Томе ’’. Станува збор за трка во која може да учествуваат сите граѓани кои за учество на истата, треба да донираат 100 денари а делницата е од плоштадот преку шеталиштето до споменикот Борис Трајковски па се до Амфитеатарот.
,,Победник ќе нема ! Ќе победите сите Вие ! Ќе победи Вашата Хуманост !’’ истакнуваат од здружението Вера која упатува апел до сите да земат учество на ова трка и да донираат средства за лекување на поранешниот фудбалер Томе Јанев.
На трката веќе пријавиле учество ракометарите од РК ,,Астраион’’, фудбалерките од ЖФК ,,Тиверија’’ за што од здружението ,,Вера’’ упатија огромна благодарност
Јанев кој има 29 години беше активен фудбалер од својата најрана возраст во македонските клубови Силекс, Брегалница, Кожуф, Хоризонт Турново и матичниот клуб Беласица. Тој неодамна се соочи со дијагноза, болест на моторниот неврон или ALS . Болеста е во почетна фаза, но доколку не му се помогне навреме, последиците од неа може да бидат катастрофални, преку целосна атрофија на мускулниот систем. Надеж за подобрување на неговата состојба има преку лекување и терапија со матични клетки на секои четири месеци во рок од три години за што се потребни околу 160 илјади евра
Линк за донации https://www.gofundme.com/donacija-za-tome-janev
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
