На денот на Сесловенските просветители Св. Кирил и Методија во ,,Рекорд паб“ во Струмица се одржа хуманитарен концерт за собирање донации за настраданите во трагедијата во Кочани. Организаторката Марија Пантева одржа краток говор при што ја нагласи потребата од сплотеност и солидарност на заедницата
,,Собрани сме тука вечерва со една заедничка цел — да помогнеме. Да покажеме дека хуманоста, солидарноста и љубовта кон ближниот се најсилните алатки кои ги поседуваме како заедница. Пожарот кој неодамна го зафати Кочани не е само локална трагедија. Тоа е потсетник за тоа колку е животот непредвидлив, но и колку можеме да бидеме силни кога сме обединети“, потенцираше Панева
Таа упати благодарност за донациите на Bu coffee to go, Esnaf, Општина Струмица, Демократски институт за општествени и политички анализи Струмица, но и до Миле Манасиев кој овозможи да се одржи овој настан.
,,Денес, нашата подадена рака значи надеж. Секоја донација, секој збор на поддршка, секој чин на солидарност — носи светлина таму каде што моментално има темнина. Да не заборавиме: денес на нив, утре можеби ние ќе бидеме оние на кои ќе им треба помош. Да бидеме таа промена што сакаме да ја видиме“, потенцираше организаторката Марија Пантева
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
