Десетина друштва, ансамбли и групи како и средношколци кои го негуваат македонскиот изворен мелос при МБУЦ „Илија Николовски Луј“ од Скопје зедоа учество на 29 тото издание на Фолклорниот изворен фестивал ,,Гајда 2025“ во Ињево – радовишко. Облечени во традиционални носии и облеки, учесниците се преставија со изворни ора и танци презентирајки го богатото фолклорно творештво на Македонија. Шаренило од бои и звуци го окупира Ињево, кое викендот беше во знакот на фолклорот и музиката со оглед дека учесниците имаа дефиле по селските улици а потоа настапија и на Фестивалот во дворот на селската црква.
,, Нашата цел е да ја презентираме македонската изворна фолклорна традиција и да се потрудиме да не биде заборавена. По одредени места во земјава сеуште се негуваат изворни ора онака како што се играло пред векови. Не радува фактот што има млади кои сакаат да бидат дел од изворното творештво и да си ги негуваат корените, бидејки народ без свој корен, нема идентитет,, соопштија организаторите
Според програмата на ФИФ ,,Гајда 2025“ учестуваа КУД „Вера Јоциќ“ од Македонска Каменица, КУД „Ристо Донев – Учителот“ од Штип, КУД ,,8ми Октомври“ Крива Паланка, Фолклорна група „Н.Јонков Вапцаров“ Делчево, Фолклорен ансамбл „Осоговски извор“ Оризари, АНИП „Ѓорче Петров“ Скопје, КУД „Мирче Ацев“ Прилеп, ФА Бели мугри“ од Кочани, „Русалии “ Секирник а во ревијалниот дел настапија домаќините ЗФТ „Ињевска гајда“гостите од Босна КУД ,, Живинице“ како и учениците од Државниот музички училишен центра Илија Николовски Луј од Скопје. (В.Трајков/ фото ФБ Известувања За Ињево Ињево)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
