Во опожарената гаража не се чувани списи и доказен материјал од архивирани предмети, ниту пак списи и доказен материјал од тековни предмети. Вака информираат од Основен суд Струмица откако во јавноста почнаа да се шират шпекулации дека таму се чувале судски документи и докази.
,,Потенцираме дека во опожарената гаража не се чувани списи и доказен материјал од архивирани предмети, ниту пак списи и доказен материјал од тековни предмети” соопштија од Основен суд Струмица
Од ова институција информираа дека во пожарот изгореле повеќе предмети коио биле складирани и сместени во лимената гаража која била на осум метри од судската зграда. Доставија и список со предметите кои се опожарени
- Новонабавено службено возило кое е осигурано;
- Старо службено возило кое повеќе години не е во возна состојба,
- Трајно одземени предмети со правосилни судски одлуки кои таму се чувани до нивно превземање од Агенција за управување со одземен имот и
- Расходуван стар мебел – теписи, фотељи, столови, бироа и клима уреди.
Засега не се познати причините за настанувањето на пожарот. Јавното обвинителство треба да даде одговор како настанал пожарот кој ги вознемири жителите во центарот на градот. Пожарот избувна вчера околу 15 часот. ТППЕ од Струмица со 4 возила и десетина пожарниркари успеа да го локализираат пожарот за кусо време.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
