Младиот струмичанец Ѓорги Ѓоргиев синоќа го загуби животот во големата трагедија во дискотеката Пулс во Кочани. Тој настапуваше со групата ДНК за време на чиј настап се случи несреќата. Струмичанецот Ѓоргиев беше талентиран музичар, дел од повеќе групи и музички настани во Струмица и регионот. Беше вистински талент над тапаните и честопати знаеше да направи музички перформанс и изнудуваше аплаузи. Последен пат беше дел од концертот под маски на музичктоо училиште Боро Џони во Струмица. Веста за неговата смрт ја објавија брат му Димитар и градоначалникот на Струмица, Костадин Костадинов откако претпладнево имаше повик на социјалните мрежи за негово лоцирање по големата хаварија.
,,Со неизмерна тага ја примив веста за трагичната загуба на нашиот сограѓанин, Горги Горгиев, кој го загуби својот живот во страшниот пожар во Кочани. Струмица загуби талентиран музичар, пријател и човек со големо срце, кој преку својата музика ширеше радост и емоции. Во овие тешки моменти, моите мисли и молитви се со неговото семејство, најблиските и сите кои го познаваа и сакаа. Нека почива во мир, а неговата музика и споменот за него вечно да живеат во нашите срца, напиша Костадинов на ФБ
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
