Околу 90 тина учесници членови на ,,Еурека’’ но и лица со попречености, во петок на 21 Февруари во Центарот за култура Антон Панов во Струмица со почеток во 19 часот ќе ја изведат инклузивната танцова престава ,, Пепелашка’’. Станува збор а престава која е во целосна организација и реализација на танцово студио ЕУРЕКА од Скопје во која главните улоги се на лица со попречености а останати улоги – деца и млади членови на Еурека Студио.
,,Кога Сонот станува реалност,, или ,,Еурека, Сон, Реалност,, е мотото на ова оригинално дело. На сцената во Домот на Култура во Струмица ќе застанат 90 учесници, членови на Еурека и во 70 минути ќе се обидат да ве пренесат во светот на танцот. Без оглед на различните способности на лицата со попреченост, низ оваа сценско уметничка форма, успеваме да ја покажеме вредноста на човекот, да ја промовираме толеранцијата, хуманоста, емпатијата и љубовта кон човечкиот род,, информираа од Еурека.
Гостувањето на ,,Пепелашка,, во Струмица е под покровителство на Британска Амбасада, а поддржано од Општина Струмица и Центар за култура Антон Панов. Влезот за претставата е бесплатен, а билети може да се подигнат од Центар за култура Антон Панов и книжара Трејд
Инклузивната танцова претстава ,,Пепелашка’’ премиерно беше изведена лани во април во Националната Опера и Балет во Скопје. Имаше изведба и пред публиката во Гевгелија, Штип, Зајечар, пред Принцот Едвард по повод неговата дводневна посета во Скопје и на многубројни настани и манифестации
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
